बीड मोक्का न्यायालयाचा पहिला निर्णय
बीड शहरातील बालेपीर भागात अकरा वर्षापूर्वी खंडणीच्या कारणावरून झालेली बाचाबाची याचा राग मनात धरून 2019 मध्ये धारदार शस्त्राने संघटीत गुन्हेगारी वृत्तीच्या लोकांनी संगनमताने हल्ला केला. जखमी अवस्थेत असलेल्या व्यक्तीचा मृत्यू झाला. या प्रकरणी गुन्हा दाखल झाला होता. याचा न्यायालयात खटला चालू असताना तब्बल पाच वर्षानंतर निकाल लागला असून अखेर 14 आरोपी दोषी ठरविण्यात आले आहे. सदरील या प्रकरणात खून, खंडणी, खून करण्याचा प्रयत्न इतर कलमानुसार हे प्रकरण गेल्या पाच वाच वर्षांपासून न्यायालयात चालू होते. बीड मोक्का न्यायालयाने हा पहिला निर्णय दिला असून या प्रकरणात दोषी ठरविलेल्या 14 आरोपींच्या शिक्षेची सुनावणी सोमवारी होणार असल्याचे बोलले जात आहे. सदरील सरकारी पक्षातर्फे विशेष सरकारी वकील अॅड.अजय तांदळे यांनी काम पाहीले.
दि.26 सप्टेंबर 2013 रोजी फिर्यादीचा भाउ सय्यद साजेदअली मिर अन्सारअली यास अन्वरखान उर्फ गुज्जरखान पिता मिर्झाखान व त्याचे साथादारांनी मिळुन खंडणीची मागणी केली होती. फिर्यादीचा भाउ साजेदअली याने खंडणी (पैसे) न दिल्याने अन्वरखान उर्फ गुज्जरखान व त्याचे साथीदारांनी नगर रोड, रोषणपुरा, बालेपीर बीड येथे रोडवर तिक्ष्ण हत्याराने दोन्ही पायावर वार करून प्राणघ गातक हल्ला करून जिवे मारण्याचा प्रयत्न केला होता. त्यावेळी फिर्यादीच्या भावाने आरोपीविरूद्ध शिवाजीनगर पोलीस स्टेशन येथे गुन्हा दाखल केला होता. त्यानंतर आरोपी अन्वरखान उर्फ गुज्जरखान व त्याचे साथीदारांनी फिर्यादी, फिर्यादीचा भाउ, बहिण यांना वारंवार जिवे मारण्याच्या धमक्या देवून शारीरीक, मानसीक व आर्थिक त्रास देत असत.या कारणावरून दिनांक 19 सप्टेंबर 2019 रोजी दुपारी 02.30 ते 03.00 वाजणाच्या सुमारास फिर्यादीचा मयत भाउ सय्यद साजेदअली मिर अन्सारअली यास आरोपी 1. अन्वरखान उर्फ गुज्जरखान पिता मिर्झाखान रा. गुलशन नगर, बालेपीर बीड 2. सर्फराज आयाजुद्दीन काझी 3. फैजमोहमंद खान उर्फ पापाभाई नजीरमोहमंद खान 4. सय्यद नुर उर्फ मिनाज उर्फ मिना सय्यद मुबारक 5. मुजीबखान मिर्झाखान पठाण 6. सय्यद नासेर सय्यद नुर 7. सय्यद शाहरुख सय्यद नुर 8. शेख उबेद शेख बाबु 9. शेख सर्फराज उर्फ सरूडॉन 10. इम्रान पठाण उर्फ चड्डा 11. शेख शहबाज शेख कलीम रा. रोषणपुरा बीड 12. शेख अमर शेख अकबर रा. गुलशन नगर, बीड 13. शेख बबर शेख युसूफ रा. खासबाग बीड 14. आवेज काझी रा. काझी नगर बालेपीर बीड 15. शेख इमरान उर्फ काला शेख रशीद रा. काझी नगर, बालेपीर बीड 16. शेख मजहर उर्फ काल्या उर्फ हाफमर्डर शेख रहीम रा. बांगरनाला, भारतभुषण नगर, बीड 17. बबरखान गुलमंहमदखान पठाण रा. शहेबाज कॉजनी, दर्गा रोड नेकनुर ता. जि. बीड 18. शेख वसीम शेख बुर्हानोद्वीन रा. रोशनपुरा, बालेपीर बीड यांनी लोखंडी खंजीर, लोखंडी कुक-या, लोखंडी तलवार, लाकडी दांडे या हत्याराने मयताच्या छातीवर, गळयावर, बरगडीवर, हातावर सपासप वार करून गंभीर जखमी करून खुन केला प्रकरणी मा. श्रीमती एस. आर. पाटील मॅडम अति. जिल्हा व सत्र न्यायाधीश, 1 बीड तथा विशेष मोक्का न्यायाधीश यांनी कलम 302, 120 (ब),143,147,149,195 (अ), 201,212,385 भा.द.वि. सहकलम 3(1) (ळ),3 (2), 3(4), 3(5) महाराष्ट्र संघटीत गुन्हेगारी नियंत्रण अधि. 1999 सह कलम 3/25, 4/27 शस्त्र अधिनियम, सह कलम 135 महाराष्ट्र पोलीस अधिनियम सह कलम 7 किमीनल लॉ अमेंडमेन्ट अॅक्ट प्रमाणे दोषी ठरविण्यात आले.
सदर प्रकरणी सरकारपक्षातर्फे विशेष सरकारी वकिल अॅड. अजय श्री. तांदळे यांनी काम पाहिले त्यांना जिल्हा सरकारी वकील तथा शासकीय अभियोक्ता अॅड. अजय दि. राख यांनी मार्गदर्शन केले. व सर्व सहा. सरकारी वकिल यांचे सहकार्य लाभले. सदर प्रकरणात पैरवी अधिकारी पी.एस.आय बी.व्ही. जायभाय यांनी त्यांना सहकार्य केले.
