परळी वैजनाथ : परळी पासून जवळच असलेल्या मलकापूर शिवारात आज (रविवार) रोजी सकाळी 10 च्या सुमारास भीषण दुर्घटना घडली असून या घटनेत एका मेंढपाळासह 22 मेंढ्या, 2 गुरांचा रेल्वे खाली येऊन मृत्यु झाला आहे.या घटनेने परळी परिसरात खळबळ उडाली आहे.
शहरातील धनगर गल्ली येथील मधुकर सरवदे व मुंजा मुक्तीराम डोणे, रा.उखळी ,ह.मु.परळी हे दोघे रेल्वे पटरीने मेंढ्या चारण्यासाठी जात होते.आज रविवार (दि.11) रोजी सकाळी 10:00 वाजता आपल्या मेंढ्या चारण्यासाठी परळी -हैदराबाद रेल्वे पटरीचया कडेने जात असताना मलकापूर शिवारात समोरुन आलेल्या मालगाडीने मेंढ्या व जनावरांना चिरडले.दोन्ही बाजुस डोंगर असल्याने बचावासाठी वेळच मिळाला नसल्याने मेंढपाळ मुंजा डोणे हे देखील या दुर्घटनेत सापडुण मृत्यूमुखी पडले.या दुर्घटनेत सरवदे यांच्या यांच्या 22 व 2 जनावरेही मृत्युमुखी पडली आहेत.
परळीत मेंढपाळासह 22 मेंढ्या,2 गुरांचा मृत्यु
