spot_img
1.2 C
New York
Wednesday, February 12, 2025

Buy now

spot_img

नाशिकमध्ये सळईच्या ट्रकमध्ये टेम्पो घुसून आठ ठार

घरी परतताना स्टेटस टाकलं अन् काही वेळातच.
ज्ञानेश्‍वर काकड | नाशिक
नाशिकच्या द्वारका उड्डाणपुलावर रविवारी सायंकाळी भीषण अपघात झाला. द्वारका चौक येथे उड्डाणपुलावर लोखंडी सळ्यांची वाहतूक करणार्‍या आयशर ट्रकला पाठीमागून पिकअप टेम्पो आदळला. पीटीआयच्या वृत्तानुसार या अपघातात आतापर्यंत ८ जणांचा मृत्यू झाला असून अनेक जण जखमी झाले आहेत. अपघाताची माहिती मिळताच घटनास्थळी आपत्कालीन कार्य सुरू करण्यात आलं. जखमींना रुग्णवाहिकांमधून रुग्णालयात दाखल करण्यात आलं. मात्र या अपघातापूर्वी पिकअपमधील तरुणांनी काही मिनिटेआधी पोस्ट केलला धक्कादायक व्हिडीओ समोर आला आहे.
नाशिकच्या निफाड तालुक्यातील धारणगाव येथून धार्मिक कार्यक्रम आटोपून सिडकोकडे परतताना द्वारका चौकाजवळील उड्डाणपुलावर संध्याकाळी ७.३० च्या दरम्यान हा भीषण अपघात झाला. पिकअप टेम्पो पाठीमागून लोखंडी सळ्यांच्या ट्रकवर जाऊन आदळला. मयत झालेले सर्व लोक सिडकोमधील रहिवासी होते. या अपघातामुळे द्वारका उड्डाणपुलावरील वाहतूक ठप्प झाली होती. या अपघातातील मृत आणि जखमींमध्ये किशोरवयीन मुलांचा समावेश आहे.
सिडकोच्या सह्याद्रीनगरमधील चेतन गंभीरे यांच्या घरी धार्मिक कार्यक्रमासाठी रविवारी सकाळी सिडकोमधील काही भाविक गेले होते. दोन स्वतंत्र टेम्पोमधून प्रवास महिला आणि पुरुष धारणगाव येथील कार्यक्रमासाठी पोहोचले होते. संध्याकाळी कार्यक्रम आटोपून घरी परतत असताना सुरुवातीला महिलांचे ट्रेम्पो नाशिक सिडकोच्या दिशेने निघाला होता. महिला प्रवासी असलेला टेम्पो सह्याद्रीनगर येथे पोहचून काही वेळ होत नाही, तोच पुरूषांच्या टेम्पोला द्वारका चौक परिसरात भीषण अपघात झाला.
पिकअप टेम्पोमध्ये १६ प्रवासी होते. ते निफाडमधील एका धार्मिक कार्यक्रमातून परतत होते. टेम्पो चालकाचे वाहनावरील नियंत्रण सुटले आणि त्याने लोखंडी सळ्या वाहून नेणार्‍या ट्रकला मागून धडक दिली. यात काही जणांचा जागीच मृत्यू झाला. काही जखमींची प्रकृती गंभीर आहे, अशी माहिती एका पोलिस अधिकार्‍याने दिली.
हा अपघात इतका भीषण होता की, टेम्पोचा चेंदामेंदा झाला. चालकाला टेम्पो नियंत्रित न झाल्याने त्याने पाठीमागून आयशरला जोरदार धडक दिली. धडक इतकी भीषण होती की कॅबिनमध्ये बसलेल्या भाविकांच्या शरिरात लोखंडी सळ्या शिरल्या. घटनेची माहिती मिळताच भद्रकाली पोलिस, वाहतूक शाखेचे पोलिस, अग्निशमन दलाने घटनास्थळी धाव घेत मदतकार्य सुरु केले होते.

ताज्या बातम्या